Utvikling av seleksjonsprogram for å auke økologisk fiskeoppdrett i Europa

I tillegg vil vi bidra til betre fisken sin produktkvalitet og ressursutnytting.

Bakgrunn

Økologisk akvakultur har eit stort potensial som ein spydspiss til å bidra til å auke europeisk fiskeoppdrett gjennom å betre fiskevelferd og redusere miljøverknader. Likevel er produksjonen av økologisk fisk, som laks, ørret, og middelhavsartene havabbor og brasme, fortsatt svært låg og møter både biologiske, tekniske og økonomiske barrierer.

Mål

SelectOrganic skal bidra til å utvikle seleksjonsprogram for økologisk fiskeoppdrett, som respekterer høge krav til fiskevelferd og som vil gjera fisken meir robust mot bakteriesjukdomar og heitebølgjer. I tillegg vil prosjektet bidra til betre produktkvalitet og ressursutnytting for økologisk oppdrettsfisk.

Dette oppnår vi gjennom:

• genetisk forbetring av resistens mot bakteriesykdomar og redusert behov for behandling med antibiotika,
• genetisk forbetring av toleransen for varmebølgjer som resultat av klimaforandringar
• genetisk forbetring av fôrutnytting og bruk av alternative, klimavennlege fôrråvarer
• genetisk forbetring av fiskevelferd og bevaring av biologisk mangfold, og dermed større aksept blant forbrukarar
• tett samarbeid med interessentar, inkludert avlsaktørar, oppdrettarar, forbrukerarar og styresmakter, for å sikre relevans og gjennomslag i både næring og samfunn.

Dette gjør Nofima

I SelectOrganic vil ulike fagområde bli trukke inn i arbeidet mot måla for prosjektet. Kunnskapshol vil bli identifisert i ein grunnleggande startfase med involvering av interessentar, og følgt opp i videre prosjektaktiviteter. Desse vil definere økologiske avlsmål, vurdere potensielle interaksjonar, avlspraksis og behovet for å utvikle ytterlegere skreddarsydde økologiske avlsprogram eller å endre delar av konvensjonelle program.

Prosjektet vil fylle kunnskapshol med forsking, testing og demonstrasjonar av fenotyping av «nye økologiske» eigenskapar (varmetoleranse, fiskehelse- og velferdseigenskapar, bruk av alternative fôr) og estimere genetiske parameter og utvikle nødvendige reproduksjonsteknologiske metodar og strategiar.

Til slutt vil vi integrere resultat og saman skape og designe kostnadseffektive seleksjons- program og planar for økologisk akvakultur av atlantisk laks, regnbogeaure, havabbor og brasme. Involvering av interessentar og resultat frå nytte-/kostnad-analyser vil sikre realistisk implementering og vellykka resultat for næringa og samfunnet.

Kontaktperson